85

چینی قرضوں کی وجہ سے پاکستان کو آئی ایم ایف کے پاس جانا پڑا، امریکا

امریکی محکمہ خارجہ کی ترجمان ہیدر نوارٹ نے کہا ہے کہ چینی قرضوں کے بوجھ کے باعث پاکستان کو آئی ایم ایف کے پاس جانا پڑا ہے۔

تفصیلات کے مطابق واشنگٹن میں پریس کانفرنس کے دوران امریکی محکمہ خارجہ کا کہنا تھا کہ سمیت تمام پہلوؤں سے جائزہ لے رہے ہیں، یہ بات واضح نہیں کہ اگر آئی ایف قرض دے گا تو کن شرائط پر دے گا اور آیا انہیں عوام کے سامنے لایا جائے گایا نہیں
ہیدر نوارٹ نے کہا کہ معاملے کا پاکستان کے موقف ۔ ممکن ہے حکومتوں کا خیال ہو کہ بیل آؤٹ کے لیے یہ قرض اتنا بوجھل نہیں ہو گا مگر اب سخت تر ہوتا جارہا ہے۔پاکستان کی پوزیشن کو ہر زاویے سے دیکھا جائے گا۔

دوسری جانب آئی ایم ایف کی سربراہ کرسٹین لوگارڈ نے کہا کہ آئی ایم ایف اینٹی منی لانڈرنگ اور دہشت گردوں کی مالی معاونت روکنے سے متعلق بھی تکنیکی معاونت فراہم کرتا ہے اور ادارے کی کوشش ہوگی کہ زیادہ سے زیادہ رکن ممالک کو یہ معاونت فراہم کی جائے۔

کرسٹین لوگارڈ نے یہ بھی کہا کہ قرضوں کی شفافیت اور ان کا واضح کیا جانا صرف پاکستان کے لئے، اس کا اطلاق تمام قرض مانگنے والے ممالک پر ہوتا ہے، تاکہ قرضوں کی پائیداری سے متعلق نہ صرف اپنے رکن ممالک کا اتفاق حاصل کیا جاسکے، بلکہ یہ گورننس اور کرپشن کے حوالوں سے آئی ایم ایف بورڈ کے طے کردہ اصولوں کے سبب ہے جن کا اطلاق کیا جارہا ہے۔

The post چینی قرضوں کی وجہ سے پاکستان کو آئی ایم ایف کے پاس جانا پڑا، امریکا appeared first on Newsone Urdu.

اس خبر پر اپنی رائے کا اظہار کریں