19

اندھی گولی سے جاں بحق اقصیٰ کا قاتل پولیس کانسٹیبل نکلا، ملزم گرفتار، مقدمہ درج

aqsa killer

کراچی : سعید آباد کراچی میں گولی لگنے سے جاں بحق طالبہ اقصی ٰکا قاتل پولیس اہلکار نکلا، کانسٹیبل وسیم اپنا اسلحہ صاف کر رہا تھا کہ گولی چل گئی۔

تفصیلات کے مطابق کراچی کے علاقے بلدیہ ٹاؤن میں چار روز قبل اندھی گولی کا نشانہ بننے والی7 سالہ اقصیٰ کی ہلاکت کا ذمہ دار پولیس اہلکار نکلا۔

کانسٹیبل وسیم اپنا اسلحہ صاف کر رہا تھا کہ اتفاقیہ گولی چل گئی جو اقصیٰ کو جالگی اور دو روز تک زندگی و موت کی کشمکش میں مبتلا رہنے کے بعد وہ اسپتال میں دوران علاج زندگی کی بازی ہار گئی۔

اس حوالے سے اے ایس پی طارق نواز نے صحافیوں کو بتایا کہ پولیس اہلکار وسیم کا گھر اسکول کے سامنے گلی میں واقع ہے، پولیس نے وسیم کو گرفتار کرکے اسلحہ برآمد کرلیاہے۔

مزید پڑھیں : کراچی میں اندھی گولی نے کمسن بچی اقصیٰ کی جان لے لی

مزید تفتیش جاری ہے۔ تفتیشی افسر کا کہنا تھا کہ پہلی جماعت کی طالبہ7سالہ اقصیٰ کو چھوٹے ہتھیار کی گولی لگی تھی، گولی دل کے قریب لگنے کے باعث بچی کی موت واقع ہوئی۔

The post اندھی گولی سے جاں بحق اقصیٰ کا قاتل پولیس کانسٹیبل نکلا، ملزم گرفتار، مقدمہ درج appeared first on ARYNews.tv | Urdu – Har Lamha Bakhabar.

اس خبر پر اپنی رائے کا اظہار کریں