193

انسداد پولیو مہم آج سے ملک بھر میں شروع ہورہی ہے

Polio

اسلام آباد : ملک بھر میں انسداد پولیو کی تین روزہ مہم آج سے شروع ہوگی جس کے دوران 66 لاکھ بچوں کو پولیو سے بچاؤ کے قطرے پلائے جائیں گے۔

تفصیلات کے مطابق ملک بھر میں انسداد پولیو مہم آج سے شروع ہورہی ہے، مہم کے دوران پانچ سال تک کی عمر کے 66 لاکھ بچوں کو پولیو سے بچاؤ کے قطرے پلائے جائیں گے۔

انسداد پولیو کی تین روزہ مہم کے دوران گھر گھر جا کر بچوں کو پولیو سے بچاؤ کے قطرے پلانے کا عمل یقینی بنانے کے لیے تقریباََ 25 ہزار ٹیمیں تشکیل دی گئی ہیں۔

پولیوٹیمیں ریلوے اسٹیشنوں، بس اڈوں اور دوسرے عوامی مقامات پربھی موجود ہوں گی۔ پولیو ٹیموں کے لیے سیکیورٹی کے خصوصی اقدامات کیے گئے ہیں۔

آزاد جموں وکشمیر میں بھی انسداد پولیو مہم آج سے شروع ہوگی اس دوران 5 سال سے کم عمر کے 7 لاکھ گیارہ ہزار سے زائد بچوں کو پولیو سے بچاؤ اور وٹامن اے کے قطرے پلائے جائیں گے۔

واضح رہے کہ گزشتہ 2 سال میں پاکستان نے انسداد پولیو کے لیے نہایت بہترین اور منظم اقدامات اٹھائے ہیں جن کے باعث ان 2 سالوں میں پولیو کیسز کی شرح میں خاصی کمی آئی ہے۔

The post انسداد پولیو مہم آج سے ملک بھر میں شروع ہورہی ہے appeared first on ARYNews.tv | Urdu – Har Lamha Bakhabar.

اس خبر پر اپنی رائے کا اظہار کریں