203

بلاول بھٹو نے وزیراعلیٰ سندھ کو تھر کے حالات پر نظر رکھنے کی ہدایت کر دی

کراچی: پاکستان پیپلزپارٹی کے چیئرمین بلاول بھٹو زرداری نے کہا ہے کہ سندھ حکومت کو ہر صورت عوام کی توقعات پرپورا اترنا ہوگا.

ان خیالات کا اظہار انھوں نے وزیراعلیٰ سندھ مرادعلی شاہ سے ملاقات کے موقع پر کیا. ان کا کہنا تھا کہ حکومت عوامی توقعات کو پیش نظر رکھے.

ان کا مزید کہنا تھا کہ تھراوردیگرعلاقوں میں حالات اور مسائل پرنظررکھی جائے اور وہاں‌ جاری منصوبوں‌ کا جائزہ لیا جائے.

پیپلزپارٹی کے چیئرمین نے کہا کہ بہترحکمت عملی اورحکمرانی سےحالات بہتر بنائے جائیں، سندھ کوترقی یافتہ اورخوشحال صوبہ دیکھناچاہتا ہوں.


مزید پڑھیں: کارکن مایوس نہ ہوں الیکشن میں دھاندلیوں کی حقیقت عیاں ہو چکی ہے، بلاول بھٹو


بلاول ہاؤس میں ہونے والی اس ملاقات میں وزیراعلیٰ سندھ نے پیپلزپارٹی کے چیئرمین کو بریفنگ دی اور جاری منصوبوں سے متعلق آگاہ کیا.

واضح رہے کہ گذشتہ دونوں بلاول بھٹو زرادری نے ورکرز سے خطاب کرتے ہوئے کہا تھا کہ انھیں کسی صورت مایوس نہیں ہونا چاہیے، کیوں کہ الیکشن میں ہونے والی دھاندلی عیاں ہوگئی ہے، جس میں عوام کا مینڈیٹ چھینا گیا.

The post بلاول بھٹو نے وزیراعلیٰ سندھ کو تھر کے حالات پر نظر رکھنے کی ہدایت کر دی appeared first on ARYNews.tv | Urdu – Har Lamha Bakhabar.

اس خبر پر اپنی رائے کا اظہار کریں