200

لاہور: ڈیفنس میں 26 سالہ ماڈل گرل کی پھندا لگی لاش برآمد

model girl

لاہور : ڈیفنس میں چھبیس سالہ ماڈل گرل کی پھندا لگی لاش برآمد ہوئی ہے، متوفیہ دو ماہ قبل اٹلی سے واپس آئی تھی، پولیس قتل اور خود کشی کے پہلوؤں پر تفتیش کررہی ہے۔

تفصیلات کے مطابق لاہور کے علاقہ ڈیفنس میں چھبیس سالہ ماڈل گرل انعم تنولی کی پھندا لگی لاش برآمد ہوئی، متوفیہ کو قتل کیا گیا یا انعم نے خود کشی کی، پولیس اس حوالے سے مختلف پہلوؤں پر تحقیقات کر رہی ہے۔

ڈیفنس بی پولیس اسٹیشن کی حدود میں رہائش پذیر انعم دو ماہ قبل اٹلی سے واپس پاکستان آئی تھی۔ انعم نے فیشن ڈیزائننگ کی تعلیم حاصل کر رکھی تھی۔

لاش گھر میں پھندے سے جھولتی ہوئی ملی، اطلاع ملنے پر پولیس نے لاش تحویل میں لے کر اسپتال پہنچائی اور پوسٹ مارٹم کے بعد ورثا کے حوالے کردی۔

انعم کی والدہ کا بیان ریکارڈ کر لیا گیا ہے، ذرائع کا کہنا ہے کہ انعم تنولی گزشتہ کافی عرصے سے ذہنی دباؤ کا شکار تھی تاہم یہ کہنا قبل از وقت ہو گا کہ وہ ذاتی مسائل کے بعد ڈپریشن کا شکار تھیں یا پھر پروفیشنل زندگی کے حوالے سے پریشان تھی۔

The post لاہور: ڈیفنس میں 26 سالہ ماڈل گرل کی پھندا لگی لاش برآمد appeared first on ARYNews.tv | Urdu – Har Lamha Bakhabar.

اس خبر پر اپنی رائے کا اظہار کریں